Многу имиња се споменуваа како можни наследници на Жељко Обрадовиќ на клупата на Партизан, но се чини дека раководството на „црно-белите“ конечно успеа да го пронајде вистинското решение.
Според српските медиуми, нов тренер на Партизан ќе биде неодамнешниот предводник на Барселона, Жоан Пењароја. Тој ги предводеше Каталонците во минатата сезона, но и на почетокот од оваа, пред да биде сменет.
Доколку Пењароја навистина потпише договор со Партизан, тоа за него ќе биде прво тренерско искуство надвор од Шпанија, со оглед дека освен во Барселона, работеше и во Андора, Манреса, Бургос, Валенсија и Басконија.
