Во многу неизвесен меч, на кој мораше да се играат дополнителни пет минути, Денвер нагетс се радуваше на победа во дуелот против Оклахома сити тандерс со 113:104. Со овој триумф, Денвер поведе со 2:1 во победи во НБА плејофот.
Херојска е оваа победа на Денвер посебно ако се знае дека Оклахома водеше речиси во текот на целиот меч. Сепак, интересно е тоа дека Оклахома најголемата предност на мечот ја имаше на стартот кога водеше 17:8. Од тој момент, до крајот, гостите најчесто водеа, но тоа беше со едноцифрена предност, па Денвер во финишот успеа да се избори за продолжение.
Гордон погоди тројка за 102:102, а во последниот напад од регуларниот дел Никола Јокиќ го имаше шутот за победа, но промаши за тројка. Тоа беше 10-ти обид на Јокиќ за тројка и сите 10 ги промаши. Покрај тоа, Србинот имаше и осум загубени топки, но и покрај тоа, Денвер не само што се избори за продолжение, туку во дополнителните пет минути, домашната екипа доминираше.
Со серија од 7:0, Денвер стигна до 109:102, а Оклахома во решавачките пет минути постигна само два поени, па на крајот, заслужено се радуваа домашните навивачи во салата во Денвер.
Дури четворица играчи на Денвер постигнаа 20+ поени. Мари беше најпрецизен со 27 поени, а потоа следуваа Гордон со 22, Портер со 21 и Јокиќ со 20 поени. Вилијамс беше прв стрелец кај Оклахома со 33 поени, а Шеј Гилџес-Александер застана на 18 поени. Четвртиот меч повторно се игра во Денвер во недела навечер.
Во вториот меч кој се играше утрово, Кливленд на гости славеше против Индијана и тоа со 126:104. Со оваа победа Индијана намали на 1:2 во победи. клучна за победата на гостите беше втората четвртина која кливленд ја доби со 34:13 и потоа гостите до крајот ја сочуваа убедливата предност.
