Родителите на фудбалерот на Ливерпул, Луис Дијас, се киднапирани во неговиот роден град Баранкас во Колумбија.
Според колумбиските медиуми, киднаперите биле на мотор кога насилно го запреле автомобилот во кој биле родителите на Дијас, Луис Мануел Дијас и Силенис Маруланда, влегле во него и потоа заминале во непознат правец.
Urgente: así fue la emotiva conversación del General William Salamanca y la madre de Luis Díaz, tras ser rescatada pic.twitter.com/uQ81KxWx9s
— Vicky Dávila (@VickyDavilaH) October 28, 2023
Новинарката Вики Давиља објави дека полицијата успеала да ја пронајде мајката на фудбалерот, благодарение на еден од пунктовите кои биле поставени од локалната полиција, но вооружените киднапери сè уште го држат неговиот татко како заложник.
Според медиумите, локалните власти во Баранкас, неодамна ги предупредиле родителите на Дијас да го избегнуваат нивниот дом. Во случајот се вклучи и колумбискиот претседател Густаво Петро, кој ја објави веста за ослобувањето на мајката на Дијас и вети дека сите безбедносни сили ќе работат на ослободување на таткото на фудбалерот.
