Џејмс Харден и Џоел Ембид заедно искомбинираа 76 поени од вкупно 116, колку што постигна Филаделфија за голема победа дури по продолжение против Бостон.
Домашните во текот на целиот натпревар имаа константно водство, кое почна да се топи во последниот период од натпреварот. Бостон беше многу блиску и до комплетен пресврт, но сепак поснаодливи и посреќни во продолженијата беа домашните кошаркари кои забележаа победа од 116-115 откако мечот заврши 107-107.
Татум и Браун со 24, односно 23 поени беа најпрецизни во поразениот состав, додека Харден со 42 и Ембид со 34 го предводеа составот на Филаделфија до втората победа во серијата против Бостон.
Конференциското полуфинале сега се сели во Бостон.
