Викендов се игра последното коло од првиот дел на сезоната во Првата кошаркарска лига на Македонија, а денешните мечеви наместо расплет, може да донесат дополнителен заплет на ситуацијата на табелата.
Тиквеш во моментов гостува кај МЗТ Скопје Аеродром, а со победа, кавадарчани би ги задржале шансите за осмо место и четвртфинале. МЗТ е сигурно прв и денеска игра некомплетен, плус тоа нема публика на трибините и тоа е шанса за гостите. На Тиквеш ќе му треба и пораз на Феникс кој утре игра со Шкупи.
Луда мешаница може да има во горниот дел на табелата. На врвот сигурен е МЗТ е тој е запечатен на прво место, но кој ќе биде втор, може да се знае денеска или најдоцна утре.
ТФТ попладнево игра со Пелистер, и ако победат Црно-белите од Тафталиџе, тие ќе бидат втори. Но, победа на битолчани може да го симне ТФТ неколку места подолу. Работнички утре игра со Кожув. Победа на Работнички ќе значи дека тие ќе бидат втори (ако ТФТ загуби) или трети (ако ТФТ победи), но победа на гевгеличани и на Пелистер денеска ќе донесе замрсена ситуација дури пет тима да завршат со ист биланс 14-8 колку што има и Куманово.
На мечевите од мак-баскетот може да се обложите во Sport Life.
