Британецот Џек Дрејпер се пласираше во полуфиналето на турнирот во Квинс, во родниот Лондон, и тоа му донесе доволно поени за од понеделник да се искачи на четвртото место на АТП листата и да ги прескокне Тејлор Фриц и Новак Ѓоковиќ.
Ова значи дека Дрејпер ќе биде четврти носител на претстојниот гренслем Вимблдон кој како и во Квинс се игра на тревната подлога, а Ѓоковиќ кој е меѓу главните фаворити за титулата, ќе биде шести носител и постои опасност при ждрепката да налета на Јаник Синер или Карлос Алкараз уште во четвртфиналето.
