Дрес на легендарниот Коби Брајант од неговата дебитантска сезона во НБА-лигата е продаден за 2,73 милиони долари.
Продавачот кој го чувал дресот цели 25 години, уште од сезоната 1996/97, останува анонимен исто како купувачот, објави аукциската куќа СЦП. Инаку се проценуваше дека дресот може да достигне и сума до пет милиони долари.
Минатата година исто така се продаде дрес од дебитантската сезона на кошаркарската икона на ЛА лејкерс. Тој дрес беше потпишан лично од Брајант и достигна рекордна сума за продажба на дрес од 3,69 милиони долари.
