Јувентус официјално ја претстави својата трета гарнитура на дресови за претстојната сезона. Играчите од првиот тим на Јуве уште денеска ќе се појават во вакви дресови, на пријателскиот меч против У-23 тимот на Јуве.
Од клубот и производителот „Адидас“ објаснуваат дека белата боја ја означува светлата иднина, додека жолтата и сината се посветени на периодот кога Јувентус во 90-тите години од минатиот век освојуваше трофеи токму кога носеше таква комбинација.
Но, фановите не се среќни. Има коментари од типот дека дресовите се купени од „Лидл“ и дека личат на одбојкарска топка.
