Различни информации се појавуваат во врска со иднината на уругвајскиот напаѓач Луис Суарес во Барселона. Суарес, кој е трет стрелец во историјата на клубот и добро соработуваше со Лионел Меси изминативе години, сака да остане кај Каталонците, но тие би го продале ако добијат примамлива понуда и потоа би се фокусирале кон ангажирање на Лаутаро Мартинес од Интер.
Ајакс е најконкретен во обидите да го купи Суарес. Холандскиот клуб е подготвен да плати 15 милиони евра за Суарес, кој во минатото го носеше дресот на Ајакс, и тоа од 2007 до 2011 година, во периодот пред да замине во Ливерпул. Суарес е во Барса од 2014 година, а сезонава имаше 21 гол и 10 асистенции, што не е лошо бидејќи и пропушти доста средби.
Но, освен Ајакс, интерес за Суарес има и од Јувентус, кој бара замена за Гонзало Игуаин. Јуве на Уругваецот ќе му понуди двегодишен договор со годишна плата од 3 милиони евра. Договорот на Суарес со Барселона е до јуни 2021 година.
