Интер Мајами запиша нова победа во МЛС-лигата. Тимот славеше со 1-2 на гостувањето кај Њу Ингланд револушн во 21-вото коло од регуларната сезона. Повторно херој за гостите беше сеприсутниот Лионел Меси, кој ги постигна двата гола. Тоа беа голови број 100 и 101 за легендарниот Аргентинец.
It’s Messi! ⚡
— Major League Soccer (@MLS) July 10, 2025
Miami takes the 1-0 lead in New England. pic.twitter.com/xwuiAK3vLN
Меси го отвори резултатот во 27-мата минута, кога искористи грешка во одбраната на противникот, ја пресече лошо вратената топка со глава и прецизно стрелаше за 0-1.
Во 38-мата минута повторно Меси ја зголеми предноста на својот тим. Тој доби одлично додавање во празно од Серхио Бускетс, излезе сам пред голманот и рутински реализира за 0-2.
Busquets ➡️ Messi 😮💨 pic.twitter.com/0dTp41hu50
— Inter Miami CF (@InterMiamiCF) July 10, 2025
Домаќините успеаја да намалат во 80-тата минута преку Карлес Хил, кој погоди со убав удар од работ на шеснаесетникот.
Интер Мајами ја продолжи својата одлична форма со четврта победа по ред, со што се искачи на петтото место на табелата со 35 бода, имајќи и три натпревари помалку. Лидер е Синсинати со 42 бода.
