Лионел Меси го урна рекордот на легендата Чави Ернандес, за најмногу настапи во дресот на Барселона во клупската историја. Капитенот го запиша 506-тиот настап во ремито од 1-1 на Каталонците во мечот против Кадис од 24-тото коло во Ла Лига.
506 – Lionel Messi has become the @FCBarcelona player with the most LaLiga appearances (506) surpassing Xavi Hernández (505). Historic. pic.twitter.com/tqQVb0b4Cj
— OptaJose (@OptaJose) February 21, 2021
Се играше 32-та минута кога Меси својот рекорд го круниса со погодок од белата точка, но наместо избраниците на Куман да ги решат дилемите, му оставија на противникот да дојде до шанса да се спасува на идентичен начин
Во претпоследната минута од регуларните 90, Кадис доби пенал во своја корист кој го реализира Фернандес, поставувајќи ги конечните 1-1 на „Камп ноу“.
Барселона со ова реми ја прекина низата од седум победи во Ла Лига, по што остана на третото место на табелата со 47 бода, додека Кадис е 14-ти со 25 бода.