Ретко кој странец останал во македонската кошарка две сезони по ред во ист клуб, па затоа и не е изненадување што двајца од странците кои придонесоа МЗТ Скопје Аеродром да ја освои двојната круна во мак-баскетот во сезоната 2023/2024, веќе потпишаа за други клубови.
Центарот Душан Танасковиќ е нов член на Мега и ќе игра во првата АБА лига. Мега е клуб кој форсира млади играчи кои често завршуваат и во НБА или големи европски клубови, па за Танасковиќ следува сезона која може да му биде пресвртница во кариерата.
Како играч на МЗТ, Танасковиќ во АБА 2 лигата имаше просек од 12,2 поени и 5,6 скока по меч.
Босанецот Харис Делалиќ кој мина околу една полусезона во дресот на Штрковите и имаше забележителна улога, се враќа во БиХ и тоа во некогашниот европски првак Босна од Сараево.
