Тренерите на Манчестер сити и Реал Мадрид нема да се штедат за да дојдат до посакуваниот резултат вечерва. Гвардиола тргнува со малку претпазлива формација, 4-2-3-1, само со еден класичен напаѓач, Халанд, и со збиен среден ред со петмина фудбалери. Од другата страна, Анчелоти, планира од првата минута да нападне на „Етихад“, па затоа мечот го започнува дури со тројца офанзивци, Белингам, Родриго и Винисиус.
Првиот натпревар на „Сантијаго Бернабеу“ заврши нерешено, 3-3.
Слична формација како и на „Етихад“, ќе изведат на теренот и тренерите на Баерн Минхен и Арсенал. Тухел започнува со Кејн во нападот, во формација 4-2-3-1 и збиен среден ред. Артета повеќе внимание ќе му посвети на нападот, па затоа почетната формација на гостинскиот тренер е 4-3-3.
Првиот меч во Лондон заврши без победник, 2-2.
