Организаторите на Светското фудбалско првенство кое летово ќе се игра во САД, Канада и Мексико се соочуваат со нов проблем. Според пишувањата на „Дејли мејл“, мечевите кои треба да се играат во градот Фоксборо во САД се под знак прашалник.
Првите луѓе на градот се заканија дека ќе ги откажат сите натпревари на стадионот „Жилет“ доколку не го добијат клучно финансирање за покривање на трошоците за безбедност. Овој град во Масачусетс треба да биде домаќин на седум натпревари од турнирот, вклучувајќи еден четвртфинален. Сепак, на помалку од четири месеца пред почетокот на планетарниот собир, градот сè уште не ги добил 7,8 милиони долари наменети за безбедносни потреби.
Првиот натпревар на стадионот „Жилет“, дом на Њу Ингланд пејтриотс, е закажан за 13 јуни, а треба да играат Хаити и Шкотска. Сепак, градските власти истакнуваат дека не можат да си дозволат однапред да ја платат сумата од повеќе милиони долари и чекаат враќање на средствата. Поради ова, клучната безбедносна опрема за стадионот со капацитет од 64.628 седишта сè уште не е обезбедена.
„Тоа е како да имате седум Суперболи тука за 39 дена, што не е мал подвиг и не треба да се сфаќа лесно. Мораме да го обезбедиме тој објект 39 дена по ред“, рече Бил Јукна, член на Градскиот совет на Фоксборо. „На крајот на краиштата, ние само се обидуваме да ги заштитиме нашите граѓани“, додаде Јукна.
“If nobody gives money, there’s no World Cup in Foxborough.” 😳
Foxborough town manager Paige Duncan says they need around $8 million to fund public safety for World Cup games at Gillette Stadium.
They need clarification on funding by mid-March in order to grant FIFA the… pic.twitter.com/qNRnxmWayR
— GOLZ (@golz_tv) February 15, 2026
