Еден од најдобрите млади македонски кошаркари, Андреј Шошкиќ, од следната сезона ќе настапува во универзитетската НЦАА лига во САД.
Шошкиќ на 17-годишна возраст дебитираше за Работнички, а сега како 20-годишен сезонава беше еден од подобрите поединци на Црвено-белите. Сепак, бекот си заминува од „Градски парк“ и ќе биде дел од универзитетскиот тим на Стоуни Брук, со кој официјално потпиша договор.
Шошкиќ е и повремен македонски сениорски репрезентативец, обично се наоѓа на поширокиот список на репрезентативци.
