Каталонскиот гигант Барселона има две големи желби од составот на Шпанија кој ја освои титулата на ЕВРО 2024. Првата е Нико Вилијамс, а втората – Микел Мерино.
Играчот за врска на Реал Сосиедад имаше преговори со Арсенал, но доверливиот „Релево“ тврди дека Мерино го одбил англискиот премиерлигаш за да се пресели во Барселона. Мерино беше херојот на Шпанија на дуелот против домаќинот Германија во четвртфиналето, кога постигна победнички гол во 119-тата минута.
Ханси Флик инсистира да биде доведен и Мерино ова лето, а Реал Сосиедад за него бара скромни 20 милиони евра, со оглед дека тој влегува во последната година од договорот.
Маката на Барселона е како да обезбеди 58 милиони евра за да ја плати отштетната клаузула на Нико Вилијамс од Атлетик Билбао.
