Тимот за кој настапува Кристијано Роналдо, Ал-Наср, ја договори отштетата со Интер, но не може да го најде Марцело Брозовиќ и да му ја претстави новата понуда.
Саудијците му понудија 60 милиони евра за тригодишен договор, но Хрватот ја одби оваа понуда. Претставници на Ал-Наср пристигнаа во Загреб за да му ја претстават новата подобра понуда, 90 милиони за три години, но Брозовиќ, одбива да се сретне со нив бидејќи желба му е кариерата да ја продолжи во Барселона.
Пред да ја одбие првата понуда од Ал-Наср, Брозовиќ имал разговор со тренерот на Барселона, Чави Ернандес, кој го убедил дека каталонскиот тим ќе направи се за да го реализира трансферот.
Барселона и Интер веќе ја договорија отштетата, таа ќе изнесува 15 милиони евра, а Хрватот ќе има годишна плата од седум милиони евра.
https://twitter.com/DeadlineDayLive/status/1674320051137048576?s=20
За трансферот да добие зелено светло од Ла Лига, потребно е Барселона да продаде неколку фудбалери, а фудбалерот му дал на каталонскиот тим рок од седум дена да го реализира трансферот, во спротивно ќе ја прифати понудата на Ал-Наср.
