Голманот на Манчестер сити Едерсон е се поблиску до трансфер во Ал-Итихад. Според најавите, двата тима активно преговараат за реализација на овој трансфер. Едерсон веќе ги прифатил личните услови според кои би добивал по 25 милиони евра годишно. Проблем е трансферот, затоа што Сити бара околу 50 милиони евра за предвремен раскин на договорот, а Ал-Итихад засега дава двојно помалку.
Едерсон е меѓу Граѓаните од 2017 година и досега има брането на 332 меча, а има примено 257 голови. На 155 дуели успеал да ја сочува мрежата незатресена. Договорот му истекува во јуни 2026 година.
Ако бразилскиот голман си замине од Сити, тоа може да има влијание и за иднината на македонскиот голман Столе Димитриевски. Летово, Димитриевски направи трансфер во Валенсија, а таму главен е Ѓорѓи Мамардашвили. Ако Едерсон си замине од Сити, токму Мамардашвили е главна опција да го замени, а со заминувањето на грузискиот голман од Валенсија, ќе се отвори и место за Димитриевски да биде прв голман на шпанскиот тим .
