Премиерлигашкиот лидер, Арсенал, дојде до тешка, но значајна победа над локалниот ривал Фулам.
„Топчиите“ славеа со минимални 0-1 на гостувањето на „Крејвен Котиџ“, а најзаслужен за тоа беше белгискиот интернационалец, Леандро Тросар, кој најдобро се снајде во мешаницата пред противничкиот гол во 58-мата минута и успеа да погоди.
Арсенал без оглед на исходот од мечот на Ливерпул и Манчестер јунајтед, ќе остане лидер во Премиер лигата и по осум кола со 19 бода, три повеќе од моментно второпласираниот Манчестер сити.
