Европската ракометна федерација (ЕХФ) објави малку чуден став за неодиграниот натпревар меѓу Алкалоид и АЕК во СЦ „Борис Трајковски“. На официјалниот сајт на ЕХФ е објавено дека „мечот е откажан поради безбедносни причини“.
„Финалето на ЕХФ Европскиот куп меѓу РК Алкалоид и АЕК Атина е откажано поради безбедносни причини“, стои на сајтот на ЕХФ.
На официјалниот профил на социјалната мрежа „Икс“ има и објаснување дека дополнителни информации за понатамошните постапки ќе бидат соопштени дополнително.
The EHF European Cup final HC Alkaloid vs AEK Athens HC has been called off due to security concerns. Additional information on further procedures will be communicated in due course.
— European Handball Federation (@EHF_Activities) May 25, 2025
