Аргентинскиот напаѓач Мауро Зарате, кој во кариерата има играно за Лацио, Интер, Фиорентина, Вест хем, Бока јуниорс и други познати и не толку познати клубови, направи тешка глупост со која придонесе неговиот тим Платенсе да загуби меч од аргентинската лига против Хуракан.
Зарате сакаше да дрибла на 30-тина метри од својот гол, но заглави и мораше да се повлекува наназад кон својот голман, а на крајот дури и ја загуби топката и направи пенал. Сето ова при резултат 0-0. Хуракан даде гол од пеналот кој им го подари Зарате, а на крајот победи со 2-0.
Утеха за Зарате е што не доби црвен картон, туку само жолт, а по овој кикс во финишот на првото полувреме беше изваден од игра на паузата.
https://twitter.com/i/status/1582643248438587392
