Лајпциг даде гол против Реал Мадрид и тоа по неполни 100 секунди игра, но тој погодок беше поништен поради офсајд. Големи реакции предизвика одлуката на арбитрите да биде поништен голот на Бенџамин Шешко, но стигна објаснување зошто тој погодок не е регуларен.
„Погодокот на Шешко е оправдано поништен поради офсајд на Хенрих. Германецот не беше тој што шутираше и играше со топката, но јасно е дека му попречува на голманот на Реал Мадрид. Тука е и туркањето над Лунин. Офсајдот е поради попречување на голманот“, објасни Павел Фернандес.
Главен судија на мечот е босанскиот арбитер Ирфан Пељто, а главен во ВАР-собата е Холанѓанецот Пол ван Бокел.
Целата ситуација од овој спорен момент може да ја погледнете на следното видео.
