Синоќа во Гостивар беше уплатен тикет со една од најголемите погодени вкупни квоти во последен период. Експерт за НБА-лигата успеа да креира тикет со седум НБА-натпревари кои се одиграа утрово, и тоа на играта „полувреме-крај“ и сите да ги погоди.
Интересно е дека дури четири меча се погодени каде што имаше пресврт, односно едната екипа да води на полувреме, а на крајот да слави другата екипа. Вкупниот погоден коефициент е неверојатен и изнесува дури 10.515, а е уплатено само со 100 денари.
Сепак, наместо тикетот да биде со милионска добивка, таа е помала затоа што е одиграно со комбинации, односно на тикетот се бара да има барем пет погодени од седум. Бидејќи се погодени сите седум, добивката е 89.619 денари.
Од мечевите каде што имаше пресврти, едниот тим да води на полувреме, а другиот да се радува на крајот, погодени беа: Детроит Јута 114:103 (53:55 полувреме), Индијана – Бруклин 103:112 (59:54), Њујорк – Минесота 137:114 (54:58) и Сакраменто – Голден Стејт 121:116 (57:62).
Освен овие три пресврти, погодени се и три натпревари каде што фаворитот води на полувреме и на крајот победува. Едноставно тикетот е фантастично направен, погоден е неверојатен вкупен коефициент, но некогаш е потребно да се има многу поголема храброст и да се одигра без систем за на крајот да има многу поголема добивка.
