Вечерва еден дел од Атина изгледаше како воена зона. Хулигани на Ајакс, потпомогнати од „колеги“ од полска Краковија и од фанови на Панатинаикос, ги нападнаа приврзаниците на АЕК. Некогашниот европски првак Ајакс треба да гостува против АЕК, во меч од петтото коло во Лигата на шампионите, но според тоа што се случуваше вечерва, можно е мечот и да не се одигра.
Хулиганите на Ајакс со помош на своите пријатели од Панатинаикос и Краковија тргнаа во потрага на фановите на АЕК. Набрзо го најдоа барот каде што се собираат симпатизерите на овој грчки клуб и многу брзо започна „улична војна“.
https://twitter.com/CasualMind_/status/1067169632174395394
