Експретседателот на Милан и поранешен премиер на Италија, Силвио Берлускони, донираше 10 милиони евра за да се изградат 400 центри за интензивна нега во регионот на Ломбардија, кои привремено ќе се користат во борбата против Коронавирусот.
Вирусот најмногу се рашири во северниот дел на Италија, повеќе од кој било друг регион во земјата, како и во Европа, па се смета за епицентар на ширење на Коронавирусот надвор од Кина. Повеќе од 2.100 италијански граѓани ја загубија животната битка со вирусот Ковид-19, додека околу 1.400 од смртните случаи се забележани токму во Ломбардија, а уште 1.850 Италијанци се на интензивна нега.
И клубовите се пуштија во хуманитарни акции, Рома донираше 13.000 маски и 120 средства за дезинфекција на рацете за граѓаните на Рим, додека засега се собрани околу 250.000 евра кои ќе се применат за опрема за вработените во локалните болници.
