Челниците на германската Бундеслига денеска донесоа одлука сите фудбалери во Бундеслигата и Цвајте од 3 мај да бидат во строг карантин. Играчите и тренерите ќе мора да бидат изолирани во своите домови или тренинг-камповите за да се има поголема сигурност дека сезоната ќе заврши без премногу неочекувани проблеми порзани со корона-вирусот.
На фудбалерите ќе им биде дозволено да го напуштат домот само за да одат на тренинг или на натпревар, а останатиот дел од денот мора да бидат дома. Од 12 мај, сите клубови ќе одат во карантин и таму ќе останат до 22 мај, за кога е предвиден и крајот на сезоната.
#DFL Executive Committee adopts two-stage quarantine measures for last three matchdays of the current 2020-21 season of the #Bundesliga and Bundesliga 2 ➡️ https://t.co/wGHDhkFtqf pic.twitter.com/oMOk3X3xd6
— DFL Deutsche Fußball Liga (@DFL_Official) April 22, 2021
Пред влегувањето во карантин, сите фудбалери и тренери ќе бидат тестирани на корона-вирусот и потоа треба да се спречи ширењето на опасниот вирус во пресрет на финишот на сезоната во Бундеслигата. По завршувањето на последното коло, сите играчи ќе бидат слободни.
