Кошаркарите на Барселона најавија успешен Ел Класико викенд и со победа против вечниот ривал Реал Мадрид со 79:72 направија добра подготовка за утрешното фудбалско дерби на двата вечни шпански ривали.
Домаќините ги разрешија сите дилеми во големото дерби уште по првото полувреме што го добија со 48:27, па во продолжението ја сочуваа победата, иако гостите беа подобри во вториот дел.
И без Никола Миротиќ, кој беше најавен за настап, но поради позитивен тест го прескокна дербито, Барселона доминираше во првото полувреме.
What A Block ⛔@Brandon_Davies0 takes a BIG stride to smother the ball out! #7DAYSMagicMoment pic.twitter.com/YCDca9o4On
— Turkish Airlines EuroLeague (@EuroLeague) October 23, 2020
Кајл Курич со 15 поени беше најефикасен и кај Барса и на мечот, а одлични беа и Брендон Дејвис со 14 поени и Кори Хигинс со 13.
Кај Реал, кој доцна се разбуди прв стрелец беше Треј Томпкинс со 14 поени. Кралскиот клуб го доби второто полувреме со 45:31, но и тоа не беше доволно за победа.
Утре од 16 часот на Камп Ноу се игра фудбалското Ел Класико меѓу истите ривали.