Екипата на Елче има многу причини за голема радост. Во последното коло од Сегунда дивисион, Елче на гостински терен кај Депортиво Ла Коруња славеше со 4:0 и на тој начин обезбеди место во шпанската Примера дивисион за следната сезона.
По завршување на 42-те кола во втората шпанска лига, Елче стигна до 77 бодови, само два помалку од шампионот Леванте, но што е побитно и два повеќе од Мирандес и Овиедо кои чекаа кикс.
Екипите кои завршија од третото до шестото место во Сегунда, а освен Мирандес и Овиедо тука се и Расинг Сантандер и Алмерија ќе разигруваат во плејофот за третото место кое води во шпанското елитно друштво.
Од Примера дивисион испаднаа Леганес, Лас Палмас и Валјадолид.
SÍ, SÍ, SÍ SOMOS DE PRIMERA DIVISIÓN
💚 ENHORABUENA AFICIÓN, VOLVEMOS A DONDE MERECEMOS ESTAR#ElcheCF #LALIGAHYPERMOTION pic.twitter.com/Ahp2ofN3oh
— Deportes COPE Elche (@DeportesCOPEelx) June 1, 2025
