Елиф Елмас веќе е во Неапол на медицинските тестови, а потоа ќе следува и официјалното потпишување на договорот. Наполи и Лајпциг веќе се договорија, па нашиот репрезентативец оваа сезона ќе настапува како позајмен фудбалер во редовите на актуелниот шампион на Италија.
Македонскиот репрезентативец веднаш по пристигнувањето кусо прокоментира дека е среќен што се вратил во градот под Везув, а за него ова ќе биде враќање во екипата со која веќе беше шампион на Италија по 18 месеци.
Наполи ќе му плати на Лајпциг два милиони евра за позајмицата на Елмас, а има и опција за откуп на неговиот договор следното лето во висина од 17 милиони евра.
Елиф Елмас во првиот „мандат“ во Наполи одигра 198 натпревари со ефект од 19 гола и 11 асистенции.
