Наполи и Лајпциг и официјално се договорија за позајмицата на Елиф Елмас. Нашиот репрезентативец по 18 месеци ќе се врати во редовите на италијанскиот шампион, а веќе за утре се закажани медицинските прегледи. Потоа ќе следи и потпишувањето на договорот, па официјалната презентација.
Актуелниот шампион на Италија ќе плати два милиони евра за едногодишната позајмица со опција за откуп на договорот на Елмас од Лајпциг следното лето за 17 милиони евра.
Наполи пред една ипол година го продаде Елмас во Лајпциг за 24 милиони евра, но нашиот фудбалер не се изнаигра во Бундеслигата, па минатата полусезона ја мина како позајмен во Торино. Нашиот фудбалер во првиот „мандат“ во Наполи одигра 189 натпревари со ефект од 19 гола и 11 асистенции.
