Елиф Елмас од следниот месец ќе го носи дресот на германски Лајпциг. Македонскиот репрезентативец за трансфер од 25 милиони евра ќе замине од Наполи и ќе потпише за бундеслигашот во јануарскиот преоден рок. По новиот договор, Елмас ќе треба да го носи дресот на Лајпциг до јуни 2028 година.
Германскиот тим подолго време го следеше Елмас, а денеска стигна најава дека Наполи ја прифатил понудата од 25 милиони евра за реализација на трансферот. Договорот ќе биде потврден по стартот на зимскиот преоден рок на 1 јануари 2024 година.
Ова ќе биде најскап трансфер на еден македонски фудбалер во историјата, а Елмас во Лајпциг треба да го носи дресот со бројот 6.
🚨🔴⚪️ EXCLUSIVE: RB Leipzig open talks to sign Eljif Elmas — understand €25m bid has been submitted.
Negotiations to take place with Napoli as Elmas is open to change and try new experience in 2024.
It’d be permanent transfer — deal on and advancing. pic.twitter.com/rbtoKXCxfC
— Fabrizio Romano (@FabrizioRomano) December 19, 2023
Елмас во Наполи дојде во 2019 година и за четири ипол сезони досега одигра 185 натпревари и постигна 19 голови. Минатата сезона Елмас се радуваше на титулата во Серија А со што стана втор македонски фудбалер по Горан Пандев што стигнал до Скудетото во италијанското првенство.
Претходно Елмас има играно и за Фенербахче во Турција и Работничи во родната Македонија.
