Елиф Елмас имаше фантастична партија вчеравечер на „Камп ноу“, каде што го прати по „бурек“ Жорди Алба.
Македонскиот репрезентативец по крајот на средбата против Барселона говореше за медиумите, а дел од прашањата беа поврзани и со претстојниот бараж-натпревар меѓу Италија и Македонија, кој се игра во Палермо.
„Секако дека доколку се пласираме на Светското првенство во Катар оваа година, ќе биде голем успех за нас. И да ја минеме Италија, ќе направиме голема работа, а јас сметам дека шансите на Македонија и на Италија се израмнети иако Италија е огромен фаворит“, изјави Елмас.
Средбата меѓу нашата селекција и актуелниот европски првак ќе се игра на 24 март, со почеток од 20:45 часот.
