Наполи ја слави втората титула во последните три сезони во Серија А, откако во последното коло со 2:0 го победи Калјари и на крајот заврши на првото место на табелата.
Навивачите на Наполи цела ноќ славеа, многу честитки пристигнаа на адресата на овој калчолигаш, а меѓу оние кои се среќни за титулата на тимот од југот на Италија е и македонскиот репрезентативец, Елиф Елмас.
Иако Елмас моментално го носи дресот на Торино, кој е ривал на Наполи во Серија А, сепак македонскиот репрезентативец не можеше да остане рамнодушен на тоа дека Наполи е нов првак на Италија.
Пред да дојде во Торино, Елмас во Серија А настапуваше токму за Наполи и тоа цели пет сезони. Во периодот од 2019 до 2024 година Елмас играше за Наполи, а беше дел и од тимот кој во 2023 година стигна до шампионската титула во Серија А. Токму затоа, Елмас сега не пропушти шанса да го честита новото Скудето на Наполи.
