Наполи го победи кипарскиот прволигаш Аполон со 2-0, во последниот пријателски меч за наполитанците летово.
Головите за Наполи паднаа во второто полувреме, а ги постигнаа Виктор Осимен и Џовани Симеоне. Елиф Елмас беше стартер и го играше целото прво полувреме, по што беше заменет со Матео Политано. Ова беше генерална проба пред почетокот на одбраната на титулата во Серија А, и може да биде знак дека Елмас често ќе биде меѓу почетните 11-мина, што е добра вест и за селекторот Благоја Милевски.
Кај Аполон играше поранешниот македонски репрезентативец Бесарт Абдурахими.
