Антонио Конте не може да смета на многу повредени фудбалери, па Елиф Елмас често добива шанса да биде стартер во тимот на Наполи, така ќе биде и вечерва на дербито против Јувентус.
Конте често го користеше Елмас како лево крило, но вечерва на крилните позиции ќе бидат Нерес и Ланг, а Елмас ќе треба да биде во улога на организатор на играта заедно со Мектоминеј и Ди Лоренцо.
Сестраноста на македонскиот фудбалер е квалитетот кој му се допаѓа на тренерот Конте, а на Елмас е да ја оправда довербата и да покаже дека поеднакво добро може да игра на неколку позиции.
