Севилја триумфираше со 3-1 во фантастичниот дуел против Реал Сосиедад кој почна на најдобар можен начин. Дури четири погодоци се постигнаа во првите 15 минути од средбата на „Рамон Санчес Писхуан“.
Ен Несири на двапати ја затресе мрежата на гостите во четвртата и седмата минута, меѓу тие голови Диего Карлос му помогна на Сосиедад со автогол. Исак ја врати неизвесноста на мечот уште во 14-тата минута за одлични 2-2 во првото полувреме.
Во исто темпо продолжи и второто полувреме, веќе во првата минута по паузата Ен Несири го комплетираше хет-трикот, а потоа пропушти неколку шанси да го зголеми своето конто.
https://streamable.com/qi9xn4
Златната шанса за спас од пораз Сосиедад ја пропушти во 76-тата минута, кога дефанзивецот Кунде ја извади топката од гол-линија, по што резултатот остана 3-2 за Севилја.
https://streamable.com/9mlsqr
Со оваа победа Севилја се израмни со Сосиедад на делба на петтата позиција на табелата со по 30 бода.
