Ништо не е едноставно и лесно кога станува збор за сегашниот Реал Мадрид. Младиот бразилски талент, Ендрик, според информациите, подготвен е да се врати во клубот на крајот од сезоната, но под еден услов кој би можел целосно да ја промени ситуацијата.
Деталите сè уште стигнуваат во мали дози, но од шпанските извори доаѓа информација дека Ендрик бара заминување на еден од сегашните првотимци пред да го облече повторно белиот дрес на Реал.
Младата бразилска ѕвезда импресионира во првите настапи додека е на позајмица во францускиот Лион, и во Мадрид брзо зажалиле што воопшто го пуштиле, но со нетрпение го чекаат летото за повторно да го вратат во својот ростер. Сепак, самиот фудбалер, според извори, не сака да биде дел од тимот, барем додека не се „средат некои работи“.
Ендрик, како што се наведува, не сака да живее од празни ветувања. Младиот бразилски напаѓач совршено знае дека неговиот развој зависи од минутажата, а не само од пофалби. Затоа неговиот став за следната сезона е цврст: нема да остане во Реал Мадрид без вистински гаранции и ветувања дека ќе има значајна улога.
Не се работи за барање постојана стартна позиција или еднаква борба со веќе утврдени ѕвезди. Ендрик ги разбира своите години и сегашната ситуација, но исто така знае дека фудбалот не чека никого.
Главната пречка за неговото понатамошно присуство лежи во бројноста на напаѓачките опции. Соблекувалната на Реал Мадрид е мешавина од утврдени играчи и гладни млади фудбалери и тука Ендрик гледа ризик повторно да биде деградиран. Затоа смета дека би се вратил само ако еден или двајца напаѓачи заминат.
Имињата кои се споменуваат во интерна дискусија се Родриго и Гонзало Гарсија. Ставот на Бразилецот е едноставен: ако дојде до заминување на играчи во нападот кои ја намалуваат конкуренцијата, тој е подготвен да се врати и да се бори за место. Со оглед на тоа што стандардните играчи Винисиус јуниор и Мбапе се недопирливи, Ендрик верува дека со останувањето и на Родриго и на Гарсија би било лудо да се надева на конкретна минутажа.
Ендрик се гледа во Реал во иднина, но под услов да му се „ослободи простор“ и јасно да му се нагласи каква улога ќе има. Пред да замине во Лион, Бразилецот беше во немилост кај тренерот и едвај играше.
Сега Ендрик ги стави своите карти на маса. Сака да го носи дресот на Реал, но со значајна улога. Сега одлуката е на клубот, кој мора да процени дали ќе го прилагоди својот проект за да направи место за еден од најперспективните таленти во бразилскиот фудбал.
