Дербито меѓу Данска и Франција денеска од 20.30 часот, што ќе биде и последниот меч од втората фаза на ракометното првенство, ќе го одлучи последниот полуфиналист на турнирот, а во игра се Галските петли и Исланд.
Данска како непоразена селекција во Групата 1 веќе е во полуфиналето и ако не загуби од Франција вечерва, ќе игра со Шведска, селекција која ја заврши втората фаза на второто место во Групата 2.
Франција не смее да загуби за да игра со Шпанија во полуфиналето, а ако ја победи Данска, тогаш ќе биде прва во групата, па полуфиналните двојки би изгледале сосема поинаку и Франција би играла со Шведска, а Данска против Шпанија.
Ремито на дербито што ќе се игра во Будимпешта им носи полуфинале и на Данска и на Франција, а во тој случај ќе извиси Исланд.
За таков исход, односно за нерешено коефициентот во Sport Life e 8.50.
Исланѓаните ја победија Франција и ако успеат од 15.30 часот да ја победат Црна Гора, ќе чекаат пораз на Триколорите од Данска за да бидат полуфиналисти.
Хрватска и Холандија од 18 часот ќе играат меѓу себе во меч што не може да им донесе полуфинале на ниту една од двете селекции, но во одредени варијанти ги води на третото место во групата и во битката за 5-6 место.
Пред стартот на последното коло, пласманот на табелата во Групата 1 е следен:
Данска 8 бода, Франција 6, Исланд 4, Хрватска, Црна Гора и Холандија по два бода.
Данска сигурно е полуфиналист, Франција ќе ѝ се приклучи со победа или реми, а ако загуби, тогаш Исланд со победа против Црна Гора ќе биде на второто место и ќе игра во полуфиналето против Шпанија.
