Златан Ибрахимовиќ со три гола во градското дерби на Лос Анџелес, популарното „Ел трафико“, му донесе победа на Галакси од 3-2 во дуелот со ФК Лос Анџелес. Двата гола за поразениот тим ги даде Карлос Вела, најдобриот стрелец во лигата.
Швеѓанецот беше мотивиран да му докаже на Вела дека е подобар од него, и успеа во тоа. Ибра даваше изјави дека е како Ферари во однос на другите играчи во МЛС, кои ги спореди со ФИАТ. Ова е четврти меѓусебен дуел на тимовите од најголемиот град во Калифорнија, а Галакси уште нема пораз. Сезонава Лос Анџелес е поуспешен, лидер е на табелата во западната конференција, но во градските пресметки, доминира „галаксијата“ која во своите редови го има легендарниот Ибра.
Погледнете ги сите три гола на Ибра, од кои првиот беше најатрактивен:
https://twitter.com/i/status/1152436194673922048
