Репрезентацијата на Македонија за кошаркари до 18 години доживеа вистински дебакал и загуби од Исланд со 92-59 на последниот натпревар од групната фаза на Европското првенство – Б дивизија кое се одржува во Португалија.
Ова за нашата репрезентација за кошаркари до 18 години е третиот највисок пораз во историјата, после они против Полска од 38 поени разлика во 2013-тата (104-66) и од Франција со 57 поени разлика минатата година (104-47), но и Полска и Франција се кошаркарски велесили за разлика од Исланд.
Македонија беше рамноправна против аутсајдерот во првото полувреме, после кое имавме негатива од само 36-32. Во второто полувреме следуваше вистински дебакл. Исланд го доби третиот период со 26-9, а четвртиот со 30-18.
За да се има комплетна слика од кого Македонија денес загуби со 33 поени разлика, говори фактот дека и двете екипи продолжуваат во разигрувањето за пласман од 9-тото до 16-тото место.
