Ерменскиот фудбалер Геворг Газарјан синоќа, против Бенфика го одигра натпреварот на својот живот. Овој играч на клубот Шавес постигна два гола против лисабонските „орли“ и на својот тим му донесе вреден бод. Газарјан постигна два прекрасни гола со шутеви од далечина.
Иако е напаѓач, Газарјан не се прославува често со свои голови, во ниту една сезона во интернационалната кариера не дал повеќе од шест гола, па затоа мечот со Бенфика ќе го памети цел живот.
Газарјан најпрвин во 74-тата минута даде гол од слободен удар:
Потоа, во 94-тата минута, Ерменецот ги шокираше гостите со уште една „бомба“:
На 16-ти октомври, кога македонската репрезентација ќе гостува кај Ерменија во Лигата на нациите, ќе мора сериозно да се внимава и на Газарјан, кој во Скопје не беше толку опасен како Мхитарјан и Барсегјан.
