Ветеранот Ешли Кол, кој веќе пет години игра во САД, за екипата на Лос Анџелес галакси, наскоро би можело да се врати во родната Англија и да заигра за Дерби каунти, тим чиј тренер е Френк Лампард, поранешниот соиграч на Кол од Челзи.
Дерби се натпреварува во Шампионат лигата и ако го донесе 38-годишниот ветеран, тоа би било големо засилување за нив. Освен за Арсенал и Челзи, Кол има играно и за Рома и ЛА Галакси.
Лампард и Кол додека беа заедно во Челзи, освојуваа премиерлигашки титули и Лигата на шампионите, а левиот бек во сезоната 2003/04 беше и дел од тимот на Арсенал кој е познат како „непобедливите“, бидејќи сезоната во Премиер лигата ја завршија без пораз. Како репрезентативец на Англија, Кол имаше 107 настапи.
