Европската ракометна федерација, ЕХФ, една од специјалните покани за учество во машката Лига на шампиони му ја додели на Еурофарм Пелистер, па македонскиот првак и во следната сезона ќе биде дел од елитното европско клупско натпреварување.
Битолчани трета сезона по ред ќе играат во ЛШ.
Вајлд-карти за ЛШ добија и Кјелце, ПИК Сегед, Нант, Колстад и ГОГ Гудме. Oвие екипи им се приклучуваат на Магдебург, Фуксе Берлин, Барселона, Веспрем, Висла Плоцк, Алборг, Динамо Букурешт, Загреб, ПСЖ и Спортинг Лисабон.
Вајлд-карти бараа, но не добија Кадетен Шафхаузен, Порто и Гросист Слован од Љубљана, па тие ќе играат во Европската лига или Европскиот куп.
Ждрепката за групната фаза во ЛШ ќе се одржи в петок попладне во Виена. Ќе има две групи со по осум тима.
