Актуелниот македонски ракометен шампион, тимот на Еурофарм Пелистер, за следната сезона се засили со полскиот десен бек Анжеј Видовски.
Како што информираат од клубот, 22-годишниот полски интернационалец потпиша двегодишен договор со битолчани и ќе им се приклучи на подготовките во јули 2025 година.
„Се работи за ракометар кој доаѓа во Македонија од Гвардиjа Ополе од полската Суперлига. Видовски е висок 186 сантиметри, настапува за полската репрезентација и му се претскажува блескава иднина. Видовски ќе биде официјално претставен на почетокот на подготовките за сезоната 2025/26“, објавија од клубот.
