Актуелниот ракометен шампион на Македонија, Еурофарм Пелистер, донесе уште едно засилување во борбата за титулата во Супер лигата. Повремениот репрезентативец на Полска, Матеуж Пиеховски, е засилување на пикерската позиција, кој од турскиот Бешикташ сега се сели во Битола, а претходно има настапувано и за Висла Плок, Адемар Леон, Виктор Ставропол и Емшдетен.
Од Еурофарм Пелистер најавуваат дека неговото официјално претставување ќе биде во текот на следната седмица, што значи дека нема да биде во составот на битолчани за дуелот со Вардар в сабота.
