Капитенот на Челзи, Сезар Аспиликуета, доби силен удар со нога в глава на дуелот со Саутхемптон, некои од играчите веднаш му помогнаа да не го голтне јазикот, а лекарската служба му даде кислород и на носила го изнесе од терен.
Сите беа фокусирани на тоа што се случува со шпанскиот бек, па многумина не забележаа еден друг детал кој ги налути навивачите на Челзи. Додека капитенот на Челзи лежеше на тревата и му се укажуваше помош, на Михајло Мудрик и Жоао Феликс како да им беше гајле, и лабаво си ја додаваа топката.
Челзи за Мудрик зимава плати дури 100 милиони евра, а платија и за позајмицата на Феликс од Атлетико. Но, очигледно клубот многу пари фрли „во ветер“, скапи играчи не значат и тимски успех, резултатите никаде ги нема, Челзи се мачи особено во нападот, па ова со Феликс и Мудрик е капак.
— Out Of Context Football (@nocontextfooty) February 18, 2023
