Англискиот премиерлигаш Евертон донесе одлука за отпуштање на менаџерот Шон Дајш, што е еден од првите потези на новото раководство под Фридкин групацијата. Лошата форма на тимот, со пет натпревари без победа и само еден постигнат гол во тој период, дополнително ја зголеми загриженоста за опстанок на клубот во Премиер лигата.
Во моментов, Евертон е на само еден бод над зоната за испаѓање, но со натпревар помалку од конкурентите. Ситуацијата е критична, а новото раководство се очекува брзо да дејствува за да ја стабилизира екипата.
Привремено, тимот ќе го водат клубските легенди Лејтон Бејнс и Шејмас Колман, што може да внесе краткорочна мотивација и дух во тимот. Новиот менаџер се очекува да биде назначен во наредните денови, а одлуката ќе биде клучна за иднината на Карамелите оваа сезона.
