Фудбалсите семејства на УЕФА и ФИФА ќе се прошират, откако е најавено создавање на уште една репрезентација. Една од најмалите земји во светот, Сан Марино формираше женска сениорска фудбалска репрезентација.
Веќе со години, машката фудбалска репрезентација е на последното место на ФИФА листата и важи за најслабата селекција во светот, а од сега ќе има свој преставник на ФИФА листата и во женска конкуренција.
Сан Марино е земја која има едвај 34.000 жители и е опкружена со Италија. Првично, репрезентацијата на Сан Марино ќе започне со настапи во најслабата група од Лига на нации, а наскоро се очекува да дебитира и во квалификации за големи натпреварувања. Јасно е дека против кого и да играат, фудбалерките на Сан Марино ќе бидат аутсајдери.
Честа да биде прв селектор на жеснакат фудбалска репрезентација на Сан Марино ќе биде Џулија Доменичети. Во план е формирање и на селекции на У19 и У17, што само е најава дека започнува ерата на една нова европска фудбалска репрезентација во женска конкуренција.
| San Marino will now have a senior women’s national team. ✅
Great step for them. The FIRST ever head coach will be Giulia Domenichetti!
San Marino has a population of just 34,042 and is landlocked and completely surrounded by Italy. ✨ pic.twitter.com/zocKmyWiFN
— EuroFoot (@eurofootcom) April 10, 2026
