Најголемиот турски град, Истанбул, може да има дури пет свои клуба во европските фудбалски купови во следната сезона.
Турција во Лигата на шампионите, Лигата на Европа и Конференциската лига најчесто ја претставувале клубови од Истанбул, но секогаш имало и по некој од другите градови, а сега теоретски може да се случи европски фудбал во Турција да се игра само во Истанбул.
Состојбата на табелата е таква што на првите две места се истанбулските Галатасарај и Фенербахче, трети е Самсунспор од Самсун, кој ја разбива истанбулската доминација, а потоа на четврто, петто и шесто место се тимовите од Истанбул, Ејупспор, Бешикташ и Истанбул Башакшехир.
Самсунспор е во криза, има четири порази по ред, а има само три бода повеќе од шестиот Башакшехир, па може да биде симнат и Истанбул да ја има „ексклузивата“ за играње во Европа.
