Актуелниот европски шампион Реал Мадрид нема да има лесна задача да ја освои титулата на Светското клупско првенство.
Кралскиот клуб има проблеми со повредени играчи, па во Мароко отпатува без Куртоа, Менди, Лукас Васкес, Милитао, Азар и Бензема.
Никој од нив не е во комбинација за полуфиналето со Ал-Ахли, но во евентуално финале би можеле да заиграат Бензема и Куртоа, кои се клучни поединци во Реал. Сепак, и тие двајца не би играле финале ако не се 100 проценти фит.
На листата на Карло Анчелоти се четворица младинци од вториот тим: Лукас Канизарес, Марвел, Марио Мартин и Арибас.
